FACEMOS UN HERBARIO DE FOLLAS. 1º PARTE

Elaborar un herbario é unha actividade divertida para realizar en familia, disfrutando á vez das saídas á natureza nestes días de primavera. 

Pero á vez, resulta unha actividade educativa, xa que sen darnos conta estamos realizando todo un traballo de investigación sobre as plantas que temos ao noso arredor. Ademáis podemos darlle o noso toque artístico ao resultado final. Xenial!

O proceso é os seguinte: 

RECOLECCIÓN DE MOSTRAS

O primeiro que faremos será recolectar plantas, e identificalas. Podemos levar: 

• unhas tesoiras 
• unha carpeta con papeis de xornal dentro para gardar as mostras  
• unha guía de plantas ou usar unha app para identificalas. 

PRENSAR AS MOSTRAS

Elaboraremos a nosa "prensa caseira". Necesitamos: 

• Xornais ou papel de cociña
• Trozos de cartón do mesmo tamaño que o papel que usemos.
• Libros pesados

Logo montámola coma un "sandwich" : 

• Colocamos un dos trozos de cartón
• O papel de cociña ou de xornal
• As mostras das plantas (con coidado de que non se arruguen, e de que non se toquen unhas con outras)
• De novo outro papel e outro trozo de cartón
• Por último, a pila de libros encima.

É importante ir cambiando os papeis que rodean as mostras, para poñer outros secos.

Ao cabo dunhas semanas, as mostras das plantas estarán secas. E podemos comezar a elaborar o noso herbario. Esa será a segunda parte ...

Para velo máis claro: